भोजपुरी जुगल छठ गीत_

श्याम कुंवर भारती

Add To collaction

भोजपुरी जुगल छठ गीत_

भोजपुरी जुगल छठ गीत_ छठी के बरतिया।

छोट भाई_ भईया मोर सुना हो भौजी कईली छठी के बरतिया।

छठी मईया के देवे हो अरघिया जईहे छठf घटिया।

बड़ भाई _ सुना मोर बाबू हो दउरा उठाई जइहा छठ घटिया।

छुट्टी ना मिलल हमके कईसे आई मानिला मोर बतिया।

छोट भाई_ अबही नादान भईया कइसे दउरा उठाईब ।

उखीया के डहंगी भइल बड़ भारी घाटे कईसे जाईब।

सुना मोर भईया हो तोहरे बिना होई कैसे छठी के बरतीया।

भईया मोर सुना हो ..............।

छोट भाई_ भारी बा गेहूं के मोटरिया कइसे पिसाइब बजरिया।

नारियर केरा फल फूल कइसे ले आईब दुखाए मोर कमरिया।

भौजी के तरसे नजरिया संग तोहरे करिहें छठ बरतिया।

भईया मोर सुना हो................।

बड़ भाई_ नौकरी रहे चाहे छूटे बाबू हरहाल में घरवा हम आइब ।

तोहरा भौजी संग मिली छठ पूजा अबकी हम कराईब।

सुना मोर छोटका भईया हो मिली सब दिहल जाई छठी माई के अरघिया।

भईया मोर सुना हो ...............।

गीत

श्याम कुंवर भारती

बोकारो, झारखंड

मो.९९५५५०९२८६